Ofta verður tosa um sjálvberandi búskap og í sama andadrátti koma vallyftir fyri nógvar pengar. Síðan verður tosa um manglandi avlop í góðum tíðum
Hóskandi avlop eigur at verða eins stórt og stórsta undirskot eitt vánaligt ár. Stórsta undirskotið var í 2006 tá tað var 688 mió. Er tiðirnar nú sera góðar, sum fólk ofta tosa um, so eigur avlopið í landskassanum at verða 688 mió.
Roknskapurin fyri 2022 hjá Landskassanum
Inntøkur 6.325 mió.
Útreiðslur -5.774
Íløgur -450
Úrslit +137
Avlopið er 137 mió. Eftir nevnda leisti átti tað at verið 688 mió. Munurin er 550 mió.
Íløgur noyðast at verða á leið 450 mió. í meðal tí alt bygt verður kostar so nógv. Harumframt verða ov nógvir rossahandlar gjørdir tá lítið er avsett til íløgur.
Vit kunnu lækka íløgur fyri at fáa størri avlop í góðum tíðum og fyri at minka ferðina á búskapinum í góðum tíðum.
Men meginpartin av nevndu 550 mió. noyðast vit at finna við sparingum í rakstri ella við at hækka skattir og avgjøld.
Í roknskapinum fyri 2022 eru blokkstuðul og aðrar ríkisveitingar.
Vallyftir í hesum døgum, sum meginparturin ikki eru fíggja og restin er fíggja við pengum, sum ikki eru til, gera okkum ikki meira sjálvbjargin.
Eivind Jacobsen
Valevni Fólkafloksins
