Grækarismessudagurin kveikir minnir um vanlukkur í Gerðum í Kaksvík. Í 1745 kom skalvalop av Kjøli grækarismessudag, sum kravdi 5 mannalív, Sama dag, 20 ár seinni, nevniliga 12. mars í 1765 leyp aftur av Kjølinum, tað skalvalopið kravdi 20 fólk .
Hóskvøldið verður fyriskipa tiltak í Ósáskúlanum, har eftirkomarar seta fokus á skalvalopini og eisini vanlukkuna í sama dag í árinum, nevniliga 12. Mars 1910 tá Norðistovubáturin í Gerðum fór.
Eyð Matras, skrivaði og framførdi fyri árum síðani leikin ”Í mínum hondum”. Í leikinum, sum er íspunnin, men sum byggir á veruligar sagnir, hoyra vit um seyðatjóvin Árant Úti á Bø í Svínoy, um manningina á hollendska skipinum Westerbeek, sum gisti í Føroyum veturin 1743/44 og um skalvalopini í Gerðum 1745 og 1765.
Eyð Matras fer ikki at framføra leikin hóskvøldið, men fer hinvegin at lesa upp úr áhugaverda leikinum.
Fyrilestrarhaldari verður sum fyrr nevnt Andras Sólstein.
Tiltakið verður í Ósáskúlanum hóskvøldið, á grækarismessu 12. Mars kl. 20.00.
Ókeypis atgongd, øll eru hjartaliga vælkomin.
