Tá stjórin í Føroya Bjór fór á býráðsfund í kvøld, at hoyra um málið “Skipan av øki 14 í miðbýnum” fekk hann at vita at málið var tikið av skrá
Býráðsfundur er júst nú í Varpinum og Skipan av øki 14 í miðbýnum er ikki eitt av málunum, ið býráðslimir fara at taka støðu til.
Við Norðlýsið mikudagin 9. oktober segði Einar Waag, stjóri í Føroya bjór at býráðið rekur Føroya Bjór úr Klaksvík. Henda útsøgn, upplýsti Einar, kom ti at býráðið á eykabýráðsfundi dagin eftir ætlaði at samtykkja ein veg og parkeringspláss, sum gingu ov nær bryggjarínum.
Býráðsfundurin 10. oktober varð av ongum, hann varð útsettur til í kvøld og tá Einar Waag fór á fund í kvøld at frætta nærri um málið, fekk hann at vita at málið var tikið av skrá.
Skráin til býráðsfundin í kvøld sæst her.
