Býráðið hevur sett tvær miliónir krónur av, at skifta graslíksiteppið við Djúpumýru
Jógvan Skorheim upplýsir fyri Norðlýsinum at útboðstilfar er farið út og væntandi koma tilboðini inn í komandi viku.
Eftir ætlan verður teppið skift í summar, ímeðan Betri Deildin liggur í dvala, sigur Jógvan.
Signhild V. Johannesen, forkvinna í mentanarnevndini fegnast um at Klaksvíkar Ítróttarfelag fær góðar og dagførdar umstøður til sítt virksemi.
– Vit hava bøtt munandi um umstøðurnar hjá KÍ seinastu árini og við Bláa Skýlinum og nýggjum graslíkisteppi, verða umstøðurnar hjá bæði leikarum og áskoðarum fyrsta floks, sigur Signhild.
