Í dag var nýggja smoltstøðin inni á Dølum á Viðareiði reist. Talan er um ein sera stóran bygning á 5.800 fermetrar, sum Bakkafrost letur byggja omanfyri verandi smoltstøð.
“Fremsta endamálið við nýggju høllini er at gera tað møguligt at lata smoltini vaksa meira, áðrenn tey verða slept í ringarnar,” sigur Sigurd Jacobsen, leiðari á smoltstøðini.
Tað er Articon sum stendur fyri arbeiðinum at byggja høllina, og gongst sum ætlað stendur hon liðug í summar. Kostnaðurin fyri nýggju høllina (við øllum útbúnaðinum) er 160 mió. krónur.
Vit fara at skriva meira um smoltstøðina í einum av komandi bløðunum, men í fyrsta umfari vísa vit nakrar myndir, sum vit tóku á Viðareiði í dag.
