Ítróttarstjórin í FC Midtjyllandi sigur, at teir nú fara at finna eitt felag til føroyska landsliðsleikaran, sum skal útleigast av nýggjum.
Sonni Ragnar var undan jólum leigaður út til AC Horsens, har hann ofta fekk góð skoðsmál. AC Horsens hava tó fíggjarligar trupulleikar og tí sendu teir Sonna aftur til FC Midtjylland. Nú sigur itróttarstjórin í FC Midtjyllandi, Claus Steinlein, við bold.dk, at felagið ynskir at leiga Sonna Ragnar út av nýggjum. Og at tað helst verður til eitt felag í næstbestu donsku deildini.
