Hevur tú royndir við betongarbeiði og hug at ganga á odda?

Vit leita eftir einum royndum betongfólki, sum hevur hug at taka størri ábyrgd og vera partur av arbeiðsleiðsluni á byggiplássinum.

Hjá ArtiCon hava vit fleiri spennandi byggiverkætlanir fyri framman, og tí hava vit brúk fyri einum dugnaligum starvsfólki við góðum kunnleika til forskalling, jarnbinding og stoyping.

Tú verður partur av einum arbeiðstoymi, har tú bæði tekur lut í praktiska arbeiðinum og ert við til at leggja uppgávurnar til rættis. Saman við starvsfeløgunum syrgir tú fyri, at arbeiðið gongur væl og verður gjørt til ásetta tíð og við góðari dygd.

Tínar arbeiðsuppgávur

• Forskalling, jarnbinding og stoyping
• Fyrireika og leggja dagliga arbeiðið til rættis
• Býta uppgávur og vegleiða starvsfelagar
• Syrgja fyri góðari dygd og tryggum arbeiðsháttum
• Samstarva við leiðsluna á byggiplássinum

Vit vænta, at tú

• Hevur drúgvar royndir við betongarbeiði
• Arbeiðir sjálvstøðugt og tekur ábyrgd
• Dugir at leggja arbeiðið væl til rættis
• Ert álítandi og leggur dent á gott handverk
• Hevur góð samstarvsevni og dugir at fáa fólk at arbeiða saman

Tað er ein fyrimunur, um tú áður hevur havt ábyrgd av einum arbeiðstoymi, men tað er ikki ein treyt. Vit leggja størstan dent á tínar fakligu royndir og tín hug at taka ábyrgd.

Vit bjóða tær

Hjá ArtiCon fært tú eitt fjølbroytt starv á einum arbeiðsplássi við góðum samanhaldi og møguleikum fyri fakligari menning.

Vit bjóða góðar arbeiðsumstøður, nútímans útgerð og eitt arbeiðsumhvørvi, har okkara virði Dygd, Trygd og Trivnaður eru grundarlagið undir dagliga arbeiðinum.

Løn og setanartreytir

Starvið verður sett skjótast til ber. Løn og setanartreytir verða ásettar eftir royndum og førleikum.

Hevur tú hug at at koma á liðið hjá ArtiCon? So vilja vit fegin hoyra frá tær!