Klaksvíkar Sjúkrahús – FO-700 Klaksvík
Søkt verður eftir assistenti til setan 01.04.2016, ella eftir nærri avtalu.
Sjúkraflutningstænastan er ein deild við nógvum ymiskum uppgávum. Ein av høvuðsuppgávunum er at veita bráfeingishjálp í samband við lívbjargandi arbeiði. Harnæst er uppgávan flutningur av sjúkum, skaddum og rørslutarnaðum. Eisini hevur Sjúkraflutningstænastan ábyrgd av øllum portørarbeiði, ið er á sjúkrahúsinum og Norðoya Røktarheimi. Tætt samstarv er við sjúkraflutningstænastuna á Landssjúkrahúsinum. Alt hetta setir stór krøv til starvsfólkið, sum mangan kemur at arbeiða undir serstøkum umstøðum.
Starvsøkið hjá Sjúkraflutningstænastuni er Norðoyggjar. Her starvast í løtuni 8 fólk. Deildin hevur 5 bilar, íroknað 3 sjúkrabilar.
Ábyrgdarøkið er Norðoyggjar og arbeitt verður í skiftandi vaktum. Tann, ið settur verður skal hava royndir innan sjúkraflutning.
Vit væntað, at tú:
- ert tænastusinnað/ur, fyrikomandi, hevur góð samstarvsevni og lætt við at umgangast fólk.
- sært avbjóðingar fram um avmarkingar
- hevur evni til at orða teg bæði munnliga og skrivliga
- tekur ábyrgd, dugir at umstilla teg og arbeiðir sjálvstøðugt
Førleikakrøv:
- hevur koyrikort (Bólk B og C)
- hevur prógv í 1. hjálp ella líknadi skeið
- fyrimunur er at hava arbeitt í sjúkraflutningstænastu
- likamliga sterkur
- telduførleika á brúkarastøðið
Í samband við starvsfólkapolitikkin og virðisgrundarlagið hjá Sjúkraflutningstænastuni skal tann, ið settur verður, lúka øll krøv, ið tænastan krevur.
Lønar- og setanartreytir sambært sáttmála millum Fíggjarmálaráðið og Starvsmannafelagið, sjúkraflutningstænastuna.
Nærri fæst at vita um starvið við at venda sær til allan Joensen, leiðara fyri sjúkraflutningstænastuna teldupost allan@ks.fo
Umsókn við avrit av prógvum v.m., verður at senda til:
Sjúkrahússtjórin
Klaksvíkar Sjúkrahús
FO-700 Klaksvík
Umsóknarfreiðst 22.02.16
