Steinbjørn O. Jacobsen formaður í Ferðslunevnd býráðsins 2013–16

Býráðið hevur mannað Ferðslunevndina við Steinbjørn O. Jacobsen, formaður í Teknisku Nevnd, Kári Thorsteinsson, umboðandi løgregluna, og Gunnleyg Kallsberg Dánjalsson, umboðandi Teknisku Umsiting.

Býráðið hevur mannað Ferðslunevndina við Steinbjørn O. Jacobsen, formaður í Teknisku Nevnd, Kári Thorsteinsson, umboðandi løgregluna, og Gunnleyg Kallsberg Dánjalsson, umboðandi Teknisku Umsiting.

Á býráðsfundinum 29. januar 2013 samtykti býráðið at velja formannin í Teknisku Nevnd, Steinbjørn O. Jacobsen, sum umboð býráðsins í Ferðslunevndini.

Í kommunustýrisskipan býráðsins, §39, 1. petti, er ásett, at ”Ferðslunevndin, sum er ein faknevnd innan tekniska málsøkið, er mannað við trimum limum og verður vald á fyrsta býráðsfundi eftir hvørt býráðsval við einum umboð fyri býráðið (býráðslimur), einum umboð fyri Teknisku Umsiting og einum umboð fyri løgregluna”.

Undirnevnd hjá Teknisku Nevnd

Víðari er ásett í kommunustýrisskipanini, at Ferðslunevndin er ein undirnevnd hjá Teknisku Nevnd, og var tað eisini Tekniska Nevnd, sum upprunaliga tók stig til at stovna Ferðslunevndina. Tað er tí nátúrligt, at formaðurin í Teknisku Nevnd eisini er formaður í Ferðslunevndini, og hetta hevur eisini fyri tað nógva verið siðvenja.

Sjálvstøðug á nøkrum økjum

Sum undirnevnd hjá Tekn­isku Nevnd býráðsins hevur Ferðslunevndin fylgjandi heimildir:

Sjálvstøðug virkisøki og heimildir:

Mál um vegbungur, at skelta við víkiskyldum og park­eringsavmarkingum og um avstríping av gongu­teigum v.m. skulu leggjast fyri Ferðslunevndina, sum tá hevur fulla heimild og kann sjálvstøðugt fremja í verki samtyktir innan hetta málsøkið, treytað av, at játtan er tøk til tær útreiðslur, ið standast av tiltaki­num.

Tilmælandi virkisøki og heimildir:

Mál um beinleiðis broytingar av ferðslumynstrinum, so sum einsrættingar av vegum, ella tiltøk, sum hava ávirkan á vegkassan, so sum smalkaðar koyribreytir o.s.fr., og mál um áseting av mest loyvdari ferð skulu somuleiðis leg­gjast fyri Ferðslunevndina, sum tá hevur avmarkaða heimild og er tilmælandi yvir fyri Teknisku Nevnd.

Fíggjarligar heimildir:

Ferðslunevndin hevur formliga heimild frá Teknisku Nevnd til at disponera fíggjarliga innan ta til eina og hvørja tíð galdandi játtan til ferðslureguleringar av tí slagnum, sum reglugerðin gevur heimild til.