Á árliga aðalfundinum í BankNordik mikudagin 25. mars 2015 tóku partaeigararnir avgerð um fylgjandi: Góðkendu frágreiðingina hjá nevndini, grannskoðaða roknskap og ársfrásøgn um 2014 umframt uppskot nevndarinnar um nýtslu av yvirskotinum í góðkenda roknskapinum. Nevndin skeyt upp at rinda út vinningsbýti á 2,0 krónur fyri hvørt partabræv svarandi til kr 20.000.000
Á árliga aðalfundinum í BankNordik mikudagin 25. mars 2015 tóku partaeigararnir avgerð um fylgjandi: Góðkendu frágreiðingina hjá nevndini, grannskoðaða roknskap og ársfrásøgn um 2014 umframt uppskot nevndarinnar um nýtslu av yvirskotinum í góðkenda roknskapinum. Nevndin skeyt upp at rinda út vinningsbýti á 2,0 krónur fyri hvørt partabræv svarandi til kr 20.000.000
Nýval av Stine Bosse, Rúna Vang Poulsen, Súsonnu Poulsen og Jógvan Jespersen sum bankans aðalfundarvaldu nevndarlimir
Afturval av P/F Januar, løggilt grannskoðanarvirki, og PricewaterhouseCoopers Statsautoriseret Revisionspartnerselskab, sum uttanhýsis grannskoðarar bankans
Góðkendu uppskot frá samsýningarnevndini viðvíkjandi nevndarsamsýning fyri 2015
Beint eftir aðalfundin helt nývalda nevnd bankans nevndarfund, har tey skipaðu seg. Nevndin skipaði seg við Stine Bosse sum nývald forkvinna og Rúna Vang Poulsen sum nývaldur næstformaður. Nevndin í BankNordik er hereftir mannað av:
Stine Bosse, forkvinna
Rúni Vang Poulsen, næstformaður
Súsanna Poulsen, aðalfundarvaldur nevndarlimur
Jógvan Jespersen, aðalfundarvaldur nevndarlimur
Kenneth M. Samuelsen, starvsfólkavaldur nevndarlimur
Tórhallur Olsen, starvsfólkavaldur nevndarlimur
Stine Bosse, nývaldur nevndarforkvinna:
“Eg gleði meg til at fara undir uppgávuna sum nevndarformaður í BankNordik. Bankin stendur á nógvan hátt sterkur, og eg síggi fram til at fara undir nevndarbeiðið við denti á strategi, kundafokusi, váðastýring, kapitalviðurskiftum og vinningi – eisini komandi árini. Føroyar eru eitt spennandi samfelag í vøkstri, og BankNordik kann viðvirka til eina sterka víðarimenning av vinnufyritøkum og geva nýggjar møguleikar til privatkundar.”
