Á eyka aðalfundinum ið var á loftinum í KÍ høllini 12. septembur. Var ynski sett fram frá Stjørnuni um at taka seg úr Klaksvíkar Ítróttarfelag, við tí endamál at stovna sjálvstøðugt felag fyri hondbóltin.
Á aðalfundinum gekk hetta ynski á møti, soleiðis at Stjørnan verður strikað í viðtøkunum hjá Klaksvíkar Ítróttarfelag.
Av tí verður lýst við stovnandi aðalfundi hjá Stjørnuni tann 03.10.2022 kl. 20:00 í einum av skúlastovunum inni í KÍ-høllini. Á skránni eru tær nýggju viðtøkurnar fyri hondbóltsfelagið Stjørnuna og val av nevnd, stjørnan bjóðar kaffi og okkurt søtt eftir fundin.
Til ber at gerast hvílandi limir á fundinum og er kostnaðurin fyri at gerast hvílandi limur er 200 kr. Øll eru hjartaliga vælkomin á stovnandi aðalfundin.
