(Úr Norðlýsinum fyrr í ár) Tvey av nýggjastu frystilínuskipunum høvdu sítt kanska besta ár nakrantíð, um bara verður hugt eftir avreiðingarvirðinum, í 2022.
Norðlýsið hevur í ár við upplýsingum frá Vørn hugt eftir avreiðingarvirðinum hjá ymisku bólkunum. Hesaferð eru vit komnir til bólk 3, sum eru størru skipini, sum royna við línu.
Sum altíð, tá hugt verður eftir slíkum, so mugu fortreytirnar havast í huga. Tað er m.a. munur á summum av skipunum í stødd, aldri og hvørji rættindi tey hava.
Tvey av nýggjastu frystilínuskipunum, Klakkur og Jógvan I, høvdu nógv størsta avreiðingarvirði í 2022. Klakkur seldi fyri 68 milliónir, og tað er nógv tað mesta, sum nakað skip í hesum bólkinum hevur selt fyri hesi árini, sum vit hava hugt eftir, sum er aftur til 2015. Klakkur hevur selt fyri mest øll hesi árini, og vit skulu aftur til 2012 fyri at finna eitt ár, har Klakkur ikki hevði størst avreiðingarvirði í bólki 3. Í yvirlitinum niðanfyri skal havast í huga, at fyri nøkrum árum síðani var nógv størri partur av hesum bólki ísfiskalínuskip, meðan tað hesi síðstu árini í nógv størsta mun hava verið frystilínuskip.
Avreiðingarvirði
2022
1. Klakkur 68 mió
2. Jógvan I 61
3. Stapin 48
4. Kambur 48
5. Jákup B 44
Av fáu ísfiskalínuskipunum fiskaði Núpur fyri mest. Hann fiskaði fyri 14 milliónir.
2021
Klakkur 49 mió
Jógvan I 35
Kambur 34
Jákup B 32
Stapin 30
2020
Klakkur 43 mió
Jákup B 36
Jógvan I 33
Stapin 29
Eivind 27
2019
Klakkur 49 mió
Stapin 46
Eivind 41
Kambur 34
Ågot 32
2018
Klakkur 41 mió
Kambur 39
Stapin 36
Eivind 31
Skørin 21
2017
Klakkur 35 mió
Stapin 28
Eivind 24
Kambur 17
Jákup B 17
2016
Klakkur 34 mió
Kambur 32
Eivind 22
Jákup B 16
Sigmund 15
2015
Klakkur 33 mió
Kambur 31
Eivind 22
Sandshavið 16
Stapin 16
