Ert tú nýhugsandi, framfýsin og dámar tær væl at skapa tín egna arbeiðsdag? So hava vit eitt spennandi starv til tín at søkja. Vit leita eftir einum ágrýtnum samskipara/sølufólki til appina Sona at byrja skjótast til ber.

Sona er eitt vørumerki hjá Føroya Tele. Sum samskipari/sølufólk verður tú partur av einum spennandi umhvørvi, ið mennist við rúkandi ferð, og har eingin dagur er líka. Títt yvirskipaða ábyrgdarøki verður at skapa tilfar og ferðslu á appini og at finna nýggjar møguleikar fyri sølu.

Tú kemur at hava beinleiðis samskifti við kundar og verður andlitið úteftir. Arbeiðsuppgávurnar fevna millum annað um at:

• Skipa fyri tiltøkum
• Selja lýsingar og marknaðarføra
• Vera til staðar, tá ið áhugaverd tiltøk eru (ítróttur, festivalar, konsertir o.a.)
• Hugsa nýskapandi og síggja nýggjar møguleikar, sum ríka innihaldið í Sona appini
• Samskipa og leggja leist fyri nýggjum átøkum og hugskotum

Vit seta ikki krav til útbúgving, men vænta, at tú:

• Ert ósmæðin og fyrikomandi
• Hevur dirvi og dugir at arbeiða sjálvstøðugt
• Trívist í einum umhvørvi við skiftandi uppgávum og arbeiðstíðum
• Dugir at samskipa og ert opin fyri øðrvísi uppgávum
• Hevur áhuga fyri sølu og eventmaking
• Ynskir at mennast innan marknaðarføring
• Hevur góðar føroyskar málsligar førleika í skrift og talu
• Hevur koyrikort
• Starvið er fulla tíð og verður sett skjótast til ber. Høvuðssætið er í Klingruni í Hoyvík og løn sambært sáttmálanum millum Føroyar Arbeiðsgevarafelag og Starvsmannafelagið fyri Føroya Tele.

Umsóknir við CV og viðkomandi skjølum skulu vera Sona í hendi í seinasta lagi 3. oktober 2018 og skulu sendast her.

Nærri upplýsingar um starvið fáast við at venda sær til Ólav Simonsen, verkætlanarleiðara fyri Sona, á tel. 243087 ella teldupost osi@ft.fo