Dugir tú at samskifta, samskipa og fáa tingini at ganga upp í hægri eind? So er hetta rætta starvið fyri teg.

Sum samskipari á Marknaðardeildini í SMS fert tú millum annað at samskipa tiltøk á Torginum og lýsingar hjá SMS, at arbeiða við hugskotsmenning og fleiri øðrum spennandi uppgávum. Á Marknaðardeildini sita býlings- og marknaðarstjórin og tveir samskiparir.

Tú verður partur av einum kreativum toymi og einum spennandi umhvørvi í stórari handilsfyritøku, ið fevnir um matvøruhandlar, sølumiðstøðir og mangt annað.

Starvið krevur góð samskipanarevnir og evnir til at arbeiða sjálvstøðugt.

Vit vænta, at tú:

– hevur hóskandi royndir og/ella útbúgving

– dugir væl at samskifta

– kanst arbeiða sjálvstøðugt og miðvíst.

- dugir at leggja tilfar út á heimasíður, Facebook o.a.

- hevur skrivligar førleikar

Starvið er sett at byrja skjótast gjørligt.

Arbeiðstíðin er í minsta lagi 30 tímar um vikuna og løn eftir S&K-sáttmálanum.

Umsóknir skulu vera okkum í hendi í seinasta lagi 17. juni. í 2019.

Send umsóknina til Regin W. Dalsgaard, býlings- og marknaðarstjóra, rwd@sms.fo   

Hevur tú spurningar, ert tú vælkomin at seta teg í samband við Regin W. Dalsgaard, tel. 596061 ella t-postur, rwd@sms.fo ella við Siri Sørensen, samskipara, á tel 508408 ella t-postur siri@sms.fo   

SMS P/F er ein av landsins størstu handilsfyritøkum. SMS rekur sølumiðstøðirnar SMS og Miðlon og handlarnar Bónus, Mylnuna og Miklagarð. SMS gevur SMS-blaðið út fýra ferðir, og tað kemur í hvørt hús í Føroyum. Í SMS P/F starvast umleið 500 fólk.