Í døgunum 21.-23. apríl 2015 hava samráðingar verið millum strandarlondini Føroyar, ES, Ísland og Noreg í Clonakilty um svartkjaft.
Í døgunum 21.-23. apríl 2015 hava samráðingar verið millum strandarlondini Føroyar, ES, Ísland og Noreg í Clonakilty um svartkjaft.
Á samráðingarfundinum hesaferð fingu strandarlondini høvi til at leggja fram nýggjar próvgrundir og sjónarmið um eitt framtíðar býti millum londini.
Strandarlondini høvdu í hesum sambandi eisini sett fríggjadagin av til samráðingar, men komu seint í gjár til ta niðurstøðu, at neyðugt er at hava eitt samráðingarumfar afturat fyri at fáa høvi til at viðgera nýggju upplýsingarnar, ið eru komnar á borðið.
Strandarlondini vóru samd um, at hóast fráboðað varð, at hetta var seinasta samráðingarumfar við Føroyum sum formanslandi fyri samráðingarnar fyri 2015, eiga Føroyar at halda fram í royndunum, einaferð enn at gera semju millum strandarlondini um eitt nýtt framtíðar býti av svartkjaftastovninum.
Føroyar fara tískil sum formansland at boða strandarlondunum til eitt nýtt samráðingarumfar um svartkjaft tíðliga í summar.
