Hóast tað er hásummar – men veðrið enn ikki orduliga hevur víst tað enn, so verður kortini skipa fyri nógvum ymiskum, soleiðis at til ber at hugna sær og njóta frítíðina og fríløturnar – kring oyggjarnar.
Og soleiðis er eisini í Leirvík seinnapartin ídag, tá ið Effo støðin er karmur um sindur av summarhugna. Tað er vælumtókti Jens Marni Hansen, sum við bólki, fer at leggja leiðina til Leirvíkar, og fer at hugna um har og skapa sindur av summarsligum stemningini.
Jens Marni hevur afturat sær, Paula Magnussen á bass og Jósva Debes á Trummum.
Umframt at teir fara at spæla kend og vælsvingandi løg, so kemur barnavinurin BUBU eisini á vitjan, og fer hann eisini at framføra nøkur av sínum løgum, sum flest øll børn í Føroyum kenna – men hesafer á pallinum, saman við Jens Marna og bólki, soleiðis at tað veruliga fer at runga.
Tiltakið byrjar kl 17.00 við Effo í Leirvík, og tiltakið er ókeypis.
