sigur fyrrverandi løgmaður, Annfinn Kallsberg, sum heldur tað vera ábyrgdarleyst um løgmaður bara ætlar at halda fram
– Eg má bara staðfesta at alt tað heila er í totalari upploysn.
– Eg skilji slett ikki at ein løgmaður, sum hevur kallað inn til fundar í lítlusamgongu – og sitið saman við hinum leiðarunum í samgonguni og gjørt eina politiskasemju – nú skal leypa frá sínum egnu orðum og siga at eingin semja er.
– Tað, sum formaðurin í Sambandsflokkinum, segði við útvarpið í døgruðatímanum kann ikki skiljast á annan hátt enn, at hann nú eisini er lopin frá semjuni.
– Baði Jørgin Niclasen og Kristian Magnusen vóru á fundi við formannin í Sambandsflokkinum og teir siga báðir at talan var um eina politiska semju.
– Eftir fundin sendi løgmaður eitt tíðindaskriv út har hann undirstrikaði at um broytingaruppskotið, sum lítla samgongan samdist um, ikki bleiv samtykt – so útskrivaði hann nýval.
– Um avtalan, sum var gjørd í lítlusamgongu, ikki verður hildin – dugi eg ikki at síggja hvussu vit kunnu halda fram í samgonguni.
– Tað er fullkomuliga ábygdarleyst at halda fram tá samgongulimir kunnu gera sum teimum lystir.
