Línubátarnir hava havt brúkiligan fiskiskap og snellubátarnir fáa nógvan upsa.
Meinhard Joensen, á Fiskavirking sigur at tað sær út sum um at fiskiskapurin er góður – sum hann plagar at verða hesa árstíðina.
– Prísurin er eisini brúkiligur og tað vísir seg at um høgtíðina er lítið útboð av fiski á marknaðinum og tí eru prísirnir eisini góðir.
– Upsaprísirnir hava verið góðir – men so skjótt sum stórar nøgdir koma á marknaðin so fer prísurin eisini niður.
– Nógv verður tosða um at fiska á jólum, men tað er eingin loyna at hjá teimum sum velja at fiska um høgtíðirnar loysir tað seg.
– Orsøkin er sum sagt at á heimsplán er munandi minni útboð av fiski á marknaðinum um høgtíðirnar.
