Team Klaksvík spældi í Vestmanna í kvøld.
Hóast talan var um nummar tvey á heimavølli móti aftasta liðnum, so kláraði Team Klaksvík at fylgja væl við fyrsta partin av dystinum. Fyrsta hálva tíman fylgdust liðini og hálvleiksstøðan var 19-19. Hendan gongdin helt fram fyrstu 10 minuttirnar av seinna hálvleiki, tá støðan var 25-24. Men so skrædnaði hjá klaksvíkingum og munurin øktist til úrslitið 42-34 til VÍF.
Toppskjútti hjá VÍF var Filip Jojic við 9 málum. Hjá Team Klaksvík skoraði Hørður F. Sigtórsson 9 mál, Sámal á Tjaldrafløtti og Christoffer Madsen 8, Jens Pauli Mohr 5, Jan Eli Ragnarsson 2, Petur Martin Eliasen 1 og Vilhelm Vilhelmsen 1.
