Team Klaksvík spælir sín fyrsta landskappingardyst sunnudagin.
Byrjanin hjá liðnum úr Klaksvík verður trupul, nú útidystur er á skránni móti FM favorittunum úr H71. H71 liðið plagar at vera sera væl fyri, tá kappingin byrjar, so Team Klaksvík sleppur at standa sína roynd.
Team Klaksvík hevur gjørt nógvar broytingar í hópinum í summar. Nýggjur venjari er Finnur Hansson og fleiri nýggir leikarar eru komnir til. Bogdan Florea ikki er við longur og Sámal á T. Olsen er skaddur og ikki tøkur fyrsta partin av kappingini.
Dysturin í Hoyvík byrjar kl. 16.00.
