Team Klaksvík fekk tamarhald á verjuspælinum í seinna hálvleiki, tá VÍF bara skoraði 10 mál. Men tað var ov seint, tí longu í hálvleikinum var dysturin avgjørdur.
Liðini fylgdust fyrstu løtuna, men so fekk VÍF leiðsluna og dró frá sum hálvleikurin leið. Hálvleiksstøðan var 21-12 til VÍF. Í seinna hálvleiki bleiv verjuspælið og serliga málmansspælið hjá Team Klaksvík nógv betri. Seinni hálvleikur endaði 10-9 til VÍF, so tað er uttan iva seinni hálvleikur, sum klaksvíkingar kunnu brúka til at byggja víðari uppá. Hjá Team Klaksvík skoraði eingin leikari meir enn 3 mál, meðan Áki Egilsnes var toppskjútti hjá VÍF við 7 málum. Endaliga úrslitið gjørdist 31-21. Dómaraseðilin er viðheftur.
