Tað helt onkur ídag, tá útróðrarbátarnir landaðu á Klaksvík í dag. Orsøkin til prátið stendst av, at vanliga er hetta ikki góð fiskitíð hjá útróðrarbátunum. Onkur nevndi, at hesa tíðina plagdi at vera so, at fekst tú nakrar toskar, so vóru teir oftast illa fyri. Men so er ikki nú. Fiskurin er í góðum standi og enn vóru fleiri góð rogn at fáa.
Bragd hevði upgivið 9.200 pund, Stakkavík 6.900, Norðsøki 6.200, Skuraklettur 6.900 og Kallanes 5.000 pund.
Peter Joleiv Svøðstein, ið vanliga er skipari á Líðhamri hevur nú gjørt tríggjar setur við Skurakletti fyri at avegna reiðskapin hjá Líðhamri, ið er uppi á beding og fær ymsar ábøtur.
