Nú er høvi hjá øllum at hoyra granskarar greiða frá um teirra úrslit og teirra dagliga arbeiði
Í ár verður Vísindavøkan hildin í Suðuroy, í Havn og í Klaksvík.
Í Suðuroy verður Vísindavøka mikukvøldið 23. september klokkan 20.00 í Skúladeplinum í Suðuroy. Í Havn verður hon hóskvøldið 24. september klokkan 19.30 á Náttúrugripasavninum, og í Klaksvík verður hon fríggjakvøldið 25. september klokkan 19.30 á Norðoya Fornminnissavni.
3 granskarar luttaka á hvørjum staði við framløgu um teirra granskingarvirksemi.
Skráin í Suðuroy:
Dennis Holm, samfelagsfrøðingur og granskari: Hví samfelagsgransking? Framløga um, hvat samfelagsgransking er, hví samfelagsgransking hevur týdning, og hvørjum evnum granskað verður í á Granskingardeplinum fyri samfelagsmenning.
Maria Skaalum Petersen, Ph.D. og granskari: Parkinsons sjúka og umhvørvið
Ása Róin, útbúgvingarleiðari á Sjúkrarøktarfrøðisskúla Føroya: Urinkontinens hjá kvinnum millum 60 og 65 ár í Føroyum. Títtleiki og ávirkan á gerandislívið.
Skráin í Tórshavn:
Hjálmar Hátun, havfrøðingur og PhD.: Gróður á opnum havi
Tóra Petersen, cand.psyk. og Ph.D. lesandi: Sálarligir løstir hjá børnum og ungum
Anna Maria Fossá, plantufrøðingur og Ph.D.: Plantuvøkstur í einum umhvørvi í broyting
Skráin í Klaksvík:
Pál Weihe, yvirlækni: Umhvørviseitur og heilsan hjá hjá børnum í Føroyum
Katrin Næs, cand.phil, Ph.D. lesandi: S fyri k – okkurt um, hvussu børn læra at skriva
Karin M. H. Larsen, havfrøðingur, Ph.D.: Góð og ring ár á landgrunninum – týdningurin hjá umhvørvinum
Vísindavøkan er partur av tiltakinum European Researchers’ Night, sum hvørt ár verður fyriskipað 4. fríggjakvøld í september og í døgunum frammanundan. Tiltakið verður hildið í býum kring alt Europa. Endamálið við European Researchers’ Night er at um áhugan fyri gransking og fyri granskingarúrslitum í samfelagnum.
Við Vísindavøkuni ynskir Granskingarráðið at skapa øktan kunnleika til og áhuga fyri tí, sum fer fram innan føroyska granskingarheimin.
