Hetta hevur við sær, at kommunalu dagstovnarnir og frítíðarskúlin eru stongdir og lata ikki upp aftur, fyrr enn onnur støða er íkomin millum feløgini. 

Foreldragjøldini fella burtur fyri dagstovnaplássini, sum eru rakt av verkbanninum, ímeðan stovnarnir eru stongdir. 

Dagrøktaskipanin er ikki rakt av verkbanninum, men tilboðið um gestarøkt fellur burtur, meðan verkbannið er í gildi.

Verkbannið rakar eisini Húsið. Í fyrstu atløgu er Húsið stongt hósdagin 14., fríggjadagin 15. og leygardagin 16. desember. Er støðan millum feløgini óbroytt eftir vikuskiftið verður kunnað nærri um, hvussu hetta ávirkar upplatingartíðirnar í Húsinum í komandi viku.