Hóast kanningarstjórin hevði latið dyrnar upp fyri almenninginum, var Norðlýsið einasti fjølmiðil, sum var til staðar undir avhoyringunum. Avhoyringarnar av Høgna Hoydal vardu í næstan hálvan fimta tíma, og tá uml. hálvur annar tími var eftir av avhoyringini kom loksins ein sjournalistur frá almenna útvarpinum.

Okkurt nýtt og heldur óvantað kom fram undir avhoyringunum, m.a. at landsstýrismaðurin fekk ávaringar um at støðan við ólógliga fluttu veiðuloyvunum kundi uppstanda og at upprit fyrilág, ið gjørdi greitt at býti av svartkjafti, sum landstýrismaðurin lýsti við kunngerð, gekk beint ímóti niðurstøðu hjá løgtingsins umboðsmanni og var eisini í andsøgn til fráboðaða politikkin hjá landsstýrinum.

Kanningarstjórin, Kristina Samuelsen, hevði sett Finn Ougaard at sette spurningarnar í rættinum í dag. Umframt landstýrismannin í Fiskivinnumálum, Høgna hoydal, vóru eisini Anna Dam, adv. umboðandi Høgna Hoydal og Jens Andrias Vinther, adv. umboðandi Aksel V. Johannesen, Løgmann, í rættarhølinum.

Meira um avhoyringina í Føroyarætti seinri í kvøld