Í løtuni er Fiskaklettur á veg suður ígjøgnum Kalsoyarfjørt, á veg á Klaksvík við 185 køssum av fiski, meginparturin toskur, sum teir hava fingið nú í tveir dagar norðanfyri.

Tummas Tomasen, sum hevði vakt tá vit ringdu umborð segði okkum, at teir eru væl nøgdir við veiðuna hendan túrin, men at tað hevur viðrað stak illa hjá teimum, tað, sum farið er av árinum. Hetta er faktiskt fyrsti túrurin vit hava gjørt í ár, segði Tummas og sum sær út fram eftir, so verður illveður eisini komndi dagarnar.

Umleið 100 pund av fiski eru í køssunum so tað skuldi givið góð 9.000 pund, tá vigað er, segði hann at enda.