Slit á samráðingunum
Klokkan 22:00 fríggjakvøldið slitnaði í samráðingunum millum arbeiðarafeløgini og arbeiðsgevarafelagið, og semingsstovnurin var boðsendur. Stóru stríðsspurningarnir vóru løn og ein áseting um órímiliga uppsøgn, sum arbeiðarafeløgini vildu hava í sáttmálan.
Arbeiðarafeløgini hava kravt eina lønarhækkan, sum ger, at eisini arbeiðsfólk fáa lut í søguligu góðu tíðunum sum eru. Eisini hevur vigað tungt hjá feløgunum at fáa eina áseting um órímiliga uppsøgn í sáttmálan.
Semingsstovunurin fer at hava fund við partarnar í kvøld, og síðani frættist nærri um, nær veruliga semingsroyndin byrjar.
Sáttmálin gekk upprunaliga út 1. mei, og síðani hevur sáttmálin verið longdur ímeðan samráðingarnar hava verið. Sáttmálin gongur út á miðnátt 11 mei, og nú verður upp til semingsstovnin at meta nær ein møgulig seming byrjar.
Georg F. Hansen, formaður í Føroya Arbeiðarafelag
Jastrid W. Niclassen, forkvinna í Klaksvíkar Arbeiðskvinnufelag
Arthur Guðjonsson, formaður í klaksvíkar Arbeiðsmannafelag
Vigdis Johannesen, forkvinna í Havnar Arbeiðskvinnufelag
Hans Joensen, formaður í Havnar Arbeiðarafelag