Lýsing
Lýsing
Lýsing
Mynd frá 2006

Vinnulívsfyritøkurnar í Klaksvík líða undir rikna politikkinum

SKRIVAÐ: Jógvan við Keldu, Samskipari í Vinnulívsráðnum í Klaksvík  |  19.07.2018 - 21:08 Politikkur Tíðindaskriv Vinna

Tað sær ikki gott út hjá fiskivinnuni komandi árið og fer at raka økið nógv meinari, enn vit duga at hugsa okkum

Føroyar hava nú í nøkur ár ligið og liggja framvegis á aldukambinum við nærum ongum arbeiðsloysi, góðum fiskiskapi, økjandi fólkatali, hækkandi lønarútgjaldingum og lutfalsliga góðum marknaðprísum.

Hetta hevur havt við sær, at núsitandi landsstýri ger seg inn á vinnulívsfyritøkurnar, tí tað sær møguleikan fyri at “flyta” pening úr vinnuni og yvir í landskassan, meiri pening enn gott er.  - Søgan hevur tó víst, at “allir dagar verða ikki sum hesir”.

 

Tølini ræða

Búskaparráðið hevur gjørt sínar metingar, har víst verður á, at vøksturin  árini 2014-17 lá millum 6 og 7,5%, meðan roknað verður við, at hann verður 0,5% av bruttutjóðarinntøkuni 2018.

Sambært Hagstovuna  er útflutningurin fyrstu fimm mánaðirnar í 2018 sammett við 2017 lækkaður við umleið 500 mió. krónum, t.v.s. við 12% í virði og í nøgd stívliga 12 túsund tons ella 6%.

Hetta fer at síggjast aftur í Klaksvík, m.a. færri inntøkur hjá fyritøkum bæði í frumvinnuni og sum aftur ger seg inn á sekunderu vinnurnar, sum aftur ger seg inn á lønir til skipsmanningar og arbeiðsfólk á fiskavirkjum og øðrum fyritøkum við avleiddum vinnum, sum síðani fer at síggjast aftur í minkandi inntøkum í kommunukassanum!

 

Fyritøkurnar fána

Fyri fáum døgum síðani greiddi P/f Næraberg frá í KVF, at avlopið í felagnum fyri árið 2017  fór frá 17,7 mió. krónum í 2016 niður í  2.1 mió. krónur, hóast sølan var 63 mió. krónur hægri, samstundis sum felagið rindaði 81mió. krónur í tilfeingis- og uppboðssølugjøldum.

Tað hevur eisini ljóðað, at “Sjúrðarberg” hevur gjørt sín seinasta túr!

Vit vita, at bæði P/f  JFK og felagið hjá P/f Christiani í Grótinum, hava havt ætlanir um nýbygningar, men hava verið noyddir at útseta vegna óstøðugar politiskar ætlanir. Eisini vitsti portalurin hjá JN at siga nú um dagarnar, at bæði Christian í Grótinum og Norðborg rýmdu undan Eysturgrønlandi vegna fiskaloysi.

 

Grannar byggja, Føroyar bíða

Her kann leggjast afturat, at føroyski fiskiflotin er eldri og gamal og í mongum førum, innflyta vit eldri skip, sum grannar okkara kassera, tí teir byggja skip í fleiri-hundrað milliónakrónaflokkinum.

Alt hetta tikið samfelt, sær ikki gott út og politisku átøkini móti fiskivinnuni koma í komandi ári at raka Klaksvík nógv meinari, enn vit duga at ímynda okkum.

Tað kann tí tykjast ófatuligt, at tað eru teir føroyingar, ið ikki síggja álvaran í veruleikanum og hvussu vinnulívsfyritøkurnar í Klaksvík og gangi út frá í Eysturoynni veruliga líða undir núverandi viðurskiftum.

 

 

 

 

Lýsing
Seinastu tíðindini
Tey eldru bundið smáar bamsur til børnin…
39 atgongumerkir eftir
Martin Tuohy talar mikukvøldið kl. 20
Søgan um Merle Haggard (9:9)
Russland handar mótmælisskriv vegna nors…
Javnt í ólavsøkutalvdysti
Ólavsøkufrágreiðing løgmans 2025
Havnar Róðrar­felag og Klaksvíkar Róðrarf…
Virkandi borgar­stjó­rin: Mær dámar væl li…
Føroyska seyða­hundalands­liðið er úttikið…
Skonnartin Royndin fríða
Havnarbátu­rin í serflokki í FM-finaluni…
Svein Rógvi tippar Ólavsøkuróðu­rin 2025
Mjølnir sett venjarar
Religiónin og natiónin í globaliseringin…
Amerikanski kavbátu­rin USS Newport News…
Nøglin: Ólavsøkuróðurin
Havnarbátu­rin ella Klaksvíkingur
Nærum bara tey bíligastu atgongumerk­ini…
Búskapar­frøð­ingur: “Løgmaður má vísa á í…