Nú um dagarnar fingu vit myndirnar niðanfyri frá lesara, ið hevði tikið tær við síni telefon. Eg havi tikið epli upp úti á Oyri, og undir nógvum av fløgunum lá hetta dýrið og hesi svørtu eggini, sum eg ikki kennist við. Hvat er hetta fyri nakað?

Ein óhugnaligur gestur vísti tað seg at vera. Vit settu okkum í samband við Jens-Kjeld Jensen í Nólsoy um spurningin, og hann var sjótur at Svara:

"Hatta er flatmaðkur og handan svarta kúlan er eggini hjá honum. Úr egginum koma einir 20-25 ungar".

Men, legði Jens-Kjed afturat, les greinina á heimasíðu míni um nettup flatmaðkin, tað er ein óhugnaligur gestur. Har sigur hann millum annað: "Hesin flatmaðkurin trívist best, har tað er kalt og nógv regn, og har hitin ikki fer upp um tey 20 stigini - o terri er tað ringasta hann veit.... Hann livir av vanligum maðkum, sum hann sproytar enzym í, so teir blotna sundur - síðani sýgur hann teir í seg:

Les meira um flatmaðkin her:http://www.jenskjeld.info/artikler/flatmadkur.html 

Myndina ovast eigur Jens-Kjeld ímeðan hinar eru frá lesaranum og eru tiknar úti á Oyri.