Osmund Justinussen hevði rætt
Av seinasta túrinum hjá Magnusi Heinason mugu fiskifrøðingarnir hava fingið eina opinbering. Yvirlitstrolingarnar, í ár, sum júst eru lidnar hava víst, at meira enn dupult so nógv er til av toski, hýsu og upsa, samanborið við í fjør.
Osmund Justinussen hevur gjørt sera nógv burturúr at fylgja fiskiskapinum undir Føroyum, umframt, at hann er kendur fiskimaður við Føroyar, uppvaksin í Lorvík og hevur verið í fiskivinnuni frá barnsbeini av.
Fyri stuttum var Norðlýsið í Lorvík har vit tóku myndir av Osmund, tí hann vildi kanna nitrurnar av fiskinum, sum útróðrarbátarnir fingu í januar mánaða.
El Nino fyribrigdið hesaferð var liðugt beint undan ársskiftinum. Osmund hevur víst á, at ígjøgnum øll 1900 árini hevur hann kunna víst á góðan fiskiskap eftir hvørt El Nino fyribrigdi. Ikki ninst tá fiskiskapurin við Føroyar tók seg um í 83 og 84 og 96, 97 og 98. At fiskiskapurin var serliga góður seinast í 90unum komst av at tá vóru tvær El Ninjo.
Áhugavert verður nú at fylgja gongdini frameftir.