Lýsing
Lýsing
Lýsing

Áhugavert kvøld í Haldórsvík

SKRIVAÐ: Oliver Joensen  |  21.09.2018 - 10:37 Mentan Myndarøð Tíðindi

Í hesu vikuni, ella frá 13. til 22. september, skipar Sunda Kommuna fyri mentanardøgum í kommununi.

Í gjárkvøldið var skipað fyri fyrilestrum í avhaldshúsunum í Vík, har Eilif Samuelsen og Hans Andrias Sólvará løgdu fram um Andras Samuelsen, fyrsta løgmann eftir at heimastýrislógvin var komin í gildið í 1948.

Eilif Samuelsen er abbasonur Andras Samuelsen, sála, og hann greiddi okkum frá um hvussu hann kendi abba sín. Hóast Andras var føddur her í Haldórsvík, so setti hann búgv í Fuglafirði eftir at hann var blivin sýslumaður har. Eilif eigur barnaheimið hjá abba sínum í Vík. Eftir fyrilesturin fingu vit høvi at vitjað inn á gólvið í gomlu húsunum.

Hans Andrias hugleiddi sum vera man um politiska lívið hjá Andrasi. Fyrilesturin var sera viðkomandi og forvitnisligur og ikki minst fingu vit nógv at vita um tíðina upp til og kring um 1948 tá heimastýrislógin varð til.

Serliga áhugavert og spennandi var at hoyra frágreiðing, sum Hans Andrias Sólvará so meistarliga greiddi frá um leiklutin hjá Andrasi undir tilgongdini til Heimastýrislógina.

Jú, vit sambandsmenn fingu tað vit komu eftir frá tjóðveldismanninum Hans Andrias Sólvará, ið dugdi sera væl at halda seg til søgufrøðina.

Kvøldið var annars væl fyriskipað, har Helgi Abrahmsen fyrst legði fyri og bjóðaði vælkomin og gav síðani orðið til Eilif Samuelsen, ið fyrst legði sítt fram. Eftir hann kom so Hans Andrias Sølvará og til seinast takkaði Asbjørn Djúrhuus, formaður í Norðurstreymoyar Sambandsfelag fyri stóru luttøkuna og bjóðaði til kaffi á ovaru hædd í avhaldshúsinum.

Lýsing
Seinastu tíðindini
Burðardygg føroysk framleiðsla - minni C…
Morgunsangur mikumorgunin í Christianski…
Klaksvíkar sløkkilið fingið nýggjan stig…
Spæl í alskyns útgávum
KÍ tekur frástøðu frá atburði­num hjá høv…
Enn bara snakk hjá samgonguni
Hvat er ein góður miðbýur?
Eldrahugni í Betesda
Hvussu hevur tín grái posi tað?
Toskakvotan á Flemish Kap hækkar 50 pros…
Grótverjan í Oyrunum og nýggj íbúðarbygg…
Óli Breckmann livir framvegis í oljuøldi…
Mjølnir vann stórsteypadystin
Fjallgonga fyrr og nú
Tunnilstankar – eina ferð afturat
Elsti kontórbygn­ingur í Føroyum, letur d…
Bjálvingin um at ríva seg leysa
Desperatur fólkatings­maður
Ódnin hevur bert havt smáskaðar við sær
Novo Nordisk Fonden játtar 123 mió. kr.…