Skal KÍ spæla finalu í Fuglafirði um at vinna 1.deild um eina viku, so skal dysturin móti NSÍ leygardagin vinnast. NSÍ liggur á 3. plássi og dysturin hevur eisini stóran týdning fyri upp- og niðurflyting millum Betri Deildina og 1.deild.

Undan dystinum í 23. umfarinum er støðan í toppstríðnum hendan.

1. ÍF 51 stig
2. KÍ 49 stig
3. NSÍ 43 stig
4. B68 39 stig

Næsta umfar er dystur millum ÍF og KÍ og skal tann dysturin blíva ein finala um at vinna 1.deild, so má KÍ fyrst vinna á NSÍ. Á Toftum halda tey nokk við KÍ, tí skal B68 flyta upp, so er neyðugt at koma innum topp 3 og tí má B68 hála inná NSÍ.

Dysturin í Klaksvík leygardagin millum KÍ og NSÍ byrjar kl. 16.45.