Nólsoyar Páll er ein av Føroya fremstu synum. Hann var eitt flogvit, sum var óførur bæði sum skipari, bóndi og skipsbyggjari - og so smiðaði hann tey stásiligu húsini á Biskupsstøð!

Hann er ein af okkara bestu yrkjarum. Hann yrkti m. a. fuglakvæðið, har hann gav ljóð fyri tí, sum føroyingar bóru í barmi um yvirgangin, embætismenninir gjørdu landsmonnum okkara.

Hann var bóndi á Oyri og Norðuri í Vági, og fekk medalju fyri dugnskap í landbúnaði. Hann sigldi við skipi sínum Roynduni Fríu millum Føroyar og Keypmannahavn. Tá bretar tóku skip hansara sum herfong, fór hann til hægstu bretsku myndugleikarnar og fekk eitt annað skip at koma til Føroyar við korni, men tá gekk hann burtur, bert 42 ár.

Frá honum er komin ein stór slekt, og við hesi bók ber til at greina ættarsambandið við hendan undangongumann, Føroya fyrsta reiðara.

Talan um eina bæriliga bók við navnaskrá, so lætt er at finna fram til onnur í ættini.

Skrá fyri tiltakið, sum verður í Miðhøllini á Skúlatrøð mikukvøldið 24. okt. 2018 – kl. 19.30: 

Anfinn Kallsberg bjóðar luttakarunum vælkomnum.
Zakarias Wang greiðir frá um framleiðsluna av bókini
Archibald Black: Framløga í orðum og løgum um Nólsoyar Páll
Nólsoyar Páll fær orðið: Nøkur ørindi av verkum hansara verða kvøðin.