HARALDSEN er ein tann mest spennandi og mest eftirspurdi DJ í Føroyum í løtuni. Handan HARALDSEN er Beinta Haraldsen, sum á ein heilt serligan hátt skapar ein veitsluróm á einum og hvørjum dansigólvi. Hon er kend fyri evnini at seta saman tónleikasett, sum fáa dansigólvið at kóka hvørja ferð! 

HARALDSEN spælir tónleik úr nógvum ymiskum sjangrum, sum tilsamans skapa eitt ljóðlandslag, sum er bæði nostalgiskt og nútímans. Hon er eisini kend fyri at lata nógvar kendar føroyskar sangir í ein heilt nýggjan ham á dansigólvinum. 

Hon hevur diskað til eina ørgrynnu av tiltøkum kring landið, og nú fer HARALDSEN at enda ársins Summar Festival við einari ógloymandi veitslu í tjaldinum.

Summar Festivalurin verður hildin í døgunum frá 7. til 9. august.