Nú Spinnaríð aftur er komið til heiður og æru og er ein spennandi bygningur at byggja ymiskar mentanarleiklutir á í hesi stórfingnu høll, fara kórini Suð og 17 Sangarar at royna høllina við eini jólakonsert.

Suð fer at syngja ymiskar jólasangir og m.a. Pie Jesu hjá Andrew Lloyd Webber, Panis Angelicus hjá Cesar Franck og Ave Verum hjá Mozart.

17 sangarar

17 Sangarar hava fleiri jólasangir og syngja m.a. Tær heiður alvaldi (Die Ehre Gottes) hjá Gellert/Beethoven og Jerusalem (The Holy City) hjá Frederick E Weatherly/Stephén Adams.

Har verða solo- og duettsangir og onkur barnasangur.

Hølið verður pyntað og drekkamuður við jólakøkum og hugni verður aftaná.

Spennandi verður at vita, hvussu hølið roynist sum sanghøli.

Kostnaðurin er 100 krónur.

Latið okkum møtast í Spinnarínum 13. desember kl. 20.00