Hesi spæla til Ársins Jóladans í Klaksvík
Annað jólakvøld verður Ársins Jóladansur í Badmintonhøllini í Klaksvík
Annað jólakvøld verður Ársins Jóladansur í Badmintonhøllini í Klaksvík. Kvøldið bjóðar eina endaleysa røð av landaplágum við nøkrum av fremstu sangarum í landinum.
Solistar hetta kvøldið verða Niclas Heri Jákupsson, Signar í Homrum og Danny Baldursson. Teir fara at framføra við einum dreymabólki, sum er mannaður við Henning Nicodemussen, Magna Husgaard, John Johansen og Mikkjal Hvannastein.
Niclas Heri Jákupsson fer at syngja teir bestu sangirnar hjá Dynamit – eitt nú »Grøv Nummar 13«, »Á lat meg vera«, »Bangin« og »Pápi tín býr ei í Tórshavn«. Signar í Homrum hevur sum solistur og partur av Kjølar skrivað og sungið sangir sum »Sorgblídni«, »Tað er gott at elska« og »Skýmandi kvøldið«. Danny Baldursson er oddamaður í Danny & The Veetos, og hann fer at tríva í sangir sum »Alright« og »Sunnukvøld í mai«.
Ársins Jóladansur verður í Badmintonhøllini í Klaksvík annað jólakvøldið 26. desember kl. 00.00-04.00. Fyrireikari er Team Klaksvík. Forsøla er á heimasíðuni atgongumerki.fo.