Norðlýsið frætti, at ampi var um ein ferðamann úti í Fugloy. Politiið segði, at teir vistu um støðuna, men enn var ongin leiting sett í gongd.

Norðlýsið ringdi til Jógvan Páll Poulsen, á Kirkju. Jógvan Páll segði, at ferðamaðurin, ein fremmandamaður var komin til landið í gjár, og kom út í Fugloynna við tyrluni dag, og segði at hann skuldi inn aftur við Rituni seinnapartin. Men veður var ikki hjá Rituni at lenda á Kirkju, men hon hevði verið at á Hattarvík, har møtti maðuri ikki, so eg gekk har og bíðaði eftir at hesin ferðamaðurin skuldi vísa seg á Kirkju, men har kom eingin.

Maðurin hevði eisini uppgivið eitt telefonnummar, men tað nummarið riggar ikki. Hann hevði ein lítlan ryggsekk við sær tá hann kom. Nú kann tað vera, sigur Jógvan Páll, at hann er farin niðan frá og tokan er komin á hann, hann kann kanska liggja í telti eisini, tað vita vit ikki. 

Eg havi koyrt eftir vegnum og havi rópt ymsa staðni, men enn hava vit onki sæð til mannin.