Lýsing
Lýsing
Lýsing
Mynd: Hans Erik Danielsen

John Petersen nýggjur landsliðsvenjari

SKRIVAÐ: Jákup Ósá  |  17.01.2019 - 19:32 Ítrottur Tíðindi

Nýggjur landsliðsvenjari er settur hjá kvinnum

FSF.fo skrivar:

- Tað er ikki frítt, at man er glaður og stoltur yvir at fáa møguleikan at byggja víðari á tað góða arbeiðið, sum fyrrverandi venjarin, Pætur Clementsen hevur gjørt. Hetta verður samstundis ein sera spennandi avbjóðing, sigur John Petersen við heimasíðuna hjá FSF.

 

Tann 21. februar verður lutakast um, hvørjum føroyska kvinnulandsliðið skal spæla ímóti í komandi EM-undankapping. Og tað verður eisini við nýggjum høvuðsvenjara, at farið verður undir eina nýggja kapping.

 

Pætur Smith Clementsen, ið seinastu trý árini hevur staðið á odda fyri A-landsliðnum við kvinnum, fer nú at venja U19-genturnar, meðan John Petersen, ið hevur verið hjálparvenjari hjá kvinnulandsliðnum, næstu tvey árini verður høvuðsvenjari.

 

- Kvinnurnar hava nú luttikið í einum sterkum bólkaspæli, og hóast úrslitini ikki altíð sóu so pen út, so er kortini einki at ivast í, at tær hava ment seg nógv. Tað er tí við stórum spenningi, at vit nú fara undir eina nýggja undankapping, sigur John Petersen.

 

Fyrstu uppgávurnar hjá kvinnulandsliðnum í ár verða 7. og 9. apríl, tá føroyska liðið skal spæla tveir venjingardystir á útivølli móti Litava.

 

Umframt at kvinnulandsliðið fær nýggjan venjara, eru aðrar broytingar eisini framdar í venjarakabalini hjá FSF. Øssur Hansen verður venjari hjá U17-gentunum, Jan Laursen verður venjari hjá U15-dreingjunum, meðan Pauli Poulsen tekur við sum venjari hjá U15-landsliðnum við gentum.

 

Landsliðsvenjarar
 
U21
Eli Hentze
U19 Dreingir
Jógvan Martin Olsen
U17 Dreingir
Áki Johansen
U15 Dreingir
Jan Mølvad Laursen
U19 Gentur
Pætur S. Clementsen
U17 Gentur
Øssur Hansen
U15 Gentur
Pauli Poulsen

Lýsing
Seinastu tíðindini
KÍ hevur ikki vunnið á HB í steypakappin…
Aðalfundu­rin 2025
Saman um eitt sjálvsstøðugt land
Badmintonsamband Føroya úttøka til Oyggj…
Lea í flokki fyri seg
Klakkur farin nýggjan túr
Tórbjørn Jacobsen: - Vit fáa eitt nýval…
Eitt gott hondbóltsár komið at enda hjá…
Skulu vit røkka okkara málum, mugu vit s…
SÍ og Mjølnir løgdu fyri við sigrum í st…
KÍ plagar at gera skjótt av í kapping­ini…
Bústaðarskylda - kortanei!
Sannfør­andi føroyskur sigur á Tórsvølli
Bókaframløga í Fríðu!
Lea Sofía Skaalum nýggj forkvinna
Føroysk lúsagransking í World Aquacultur…
Norðlýsið er vakurt
Rockpionérur fyllir 70
Video: Skoraberg togaður leysur
Rannsóknarstovan fær varaleiðara