„365 - Ein tekning hvønn dag í 2018“ er ikki minni áhugaverda heitið á listaframsýningini, har Jan Nystrøm sýnir fram úr tekningavavinum frá 2018, tá ið hann setti sær fyri at gera eina tekning hvønn dag.

Jan gekk í Holbæk kunst højskole 2004 og á The Drawing academy í Viborg 2011.

Hann hevur havt listaframsýningar runt alt landið, og hevur havt framsýning í Leikalund fleiri ferðir fyrr – eisini var hann við á Summarlist í fjør.

Jan er ein fjølbroyttur listamaður, sum fæst við tekning, tónleik, animatión, grafiti/vegg-myndir, og tað kemur heilt víst meira á listan seinni.

Fernisering við tónleiki er á skrá mánadagin 18. februar kl. 18.  Ein biti við onkrum svalandi verður eisini at fáa.

Framsýningin er opin allar dagarnar í Torravikuni í Miðstovuni, mánadag - fríggjadag kl. 16 - 21.