Eitt sindur lýggjari
Seinastu dagarnar er luftin komin til okkara úr Svøríki og Finnlandi. Har stendur eitt máttmikið hátrýst og sendir luft ímóti okkum. Tað fer tað eftir øllum at døma at gera teir næstu 5 dagarnar eisini.
Luftin kemur ikki beinleiðis til Føroya av leiðunum eystan fyri okkum, men fer ein túr niður ígjøgnum Eysturevropa fyrst. Hesin umvegur ger, at luftin ornar eitt sindur, áðrenn vit merkja hana.
Tað er blivið eitt sindur lýggjari í Føroyum seinastu dagarnar.
Havi hugt eftir tølum á heimasíðuni hjá Landsverki. Mátistøðin á Gerðabøi hevur máldi 4 stig um náttina seinasta mikudag og 6 stig um dagin.
Dagin eftir, hósdagin, var hitin um náttina 5 stig og hitin um dagin 6 stig.
Fríggjadagin vóru tølini fyri hitan 4 stig og 8 stig fyri nátt og dag, ávikavist.
Leygardagin vóru 7 um náttina og um dagin eisini.
Sunnudagin 6 stig um náttina og 7 stig um dagin.
Mánadagin vóru 7 stig um náttina og eisini 7 stig um dagin.
Næstu 5 dagarnar fara viðurskiftini at vera tey somu, so tað kann væntast, at hitin fer at kvinkast nøkur stig uppeftur afturat.
Danska veðurstovan metir, at hitin um dagin fer at koma upp í 12 stig Langa fríggjadag.