Lýsing
Stendur á gomlum nøglum
Tað stendur nógv á samgonguni í løtuni. Framsøgumaðurin hjá Tjóðveldi í fiskivinnumálum mátti koyra uppskotið um broytingar í lógini um fyrisiting av sjófeingi hjá formanninum í Tjóðveldi aftur í nevnd, tí annars hevði tað fallið.
Málið sum var atkvøtt aftur í nevnd við 18 fyri og 15 ímóti snúgva seg um broytingar í lógini um fyrisiting av sjófeingi, sum Høgni Hoydal, fiskimálaráðharri hevur lagt fyri løgtingið.
- Reglur um fiskiorku og flyting av rættindum í fiskidagaskipanini
- Reglur um tilsøgn um at varðveita fiskirættindi
- Reglur um menningarkvotur
- Reglur um brúksskyldu á fiskirættindum
- Uppboðssølu av botnfiski í Eysturgrønlandi
- Aðrar tekniskar broytingar
Páll á Reynatúgvu løgtingsformaður, boðaði áðrenn atkvøðugreiðsluna frá, at fór uppskotið aftur í nevnd, so verður málið helst ikki avgreitt, tí tingið fer í summarfrí fríggjadagin og heldur sostatt ikki tíðarfreistina. Løgtingsformaðurin hevur fyrr sent tingið til hús, tá hann sá tað fyri gott.
Seinastu tíðindini