Lýsing
Lýsing
Lýsing

Hvør tosar um kloyvdar tungur, Magni?

SKRIVAÐ: Jógvan Skorheim, formaður í Sjálvstýri  |  09.05.2019 - 10:24 Politikkur Tíðindaskriv Tíðindi

Fólkatingslimurin fyri Tjóðveldi, sum fær løn úr danska statskassanum, stuðul til Tjóðveldisflokkin og pening til spinndoktarar, umboðar ein flokk, sum roynir at siga fyri Føroya fólki, at vit sum tjóð kunnu standa á egnum beinum – uttan nakran stuðul úr Danmark.

At vit, sum tjóð, klára okkum uttan ríkisstuðul, tað kunnu vit vera samdir um.

Men tað røkist ikki fyri, at vit blíva samdir um, at flokkarnir í Føroyum skulu klára seg uttan danskar pengar. Eg haldi, at flokkarnir skulu klára seg sjálvar, men tað ger Tjóðveldi so ikki.

Eg gleði meg til Royal Run, og eins og við allari aðrari vitjan, so vísa vit fegin føroyskt gestablídni fyri øllum, ið ynskja at koma til Føroya.

Eg havi millum annað eisini verið vertur fyri íslendska forsetanum við frú. Hóast vit ótu saman, og brúktu eina løtu saman, so føli eg meg ikki sum ílslendig, og ei heldur havi eg nakað ynski um at trampa inn í Altingi at atkvøða.

Krúnprinsinum havi eg eisini verið vertur fyri áður, og bjóði eg honum fegin aftur til ein betri bita, skuldi hann lagt leiðina framvið eina aðruferð.

 

Mentanarhúsið

Stuðul til mentanarhúsið er komið frá Slots- og Kulturstyrelsen, og rætt er tað at Sjúrður Skaale hevur gjørt sítt til at fingið hendan peningin til vega. Sjúrður arbeiðir undir tí skipan, vit í dag hava, og tað er tann skipanin, ið vit ynskja broytta. Eingin hevði verið glaðari enn eg, um vit fingu pening til mentanarhúsið í Klaksvík úr øðrum londum eisini. Eru Íslendingar, Normenn ella Sviar áhugaðir at koma við peningi, so eru teir meiri enn vælkomnir til tað.

Ja, og hevði samgongan í Føroyum komið við peningi til hesa spennandi verkætlan, so skuldu vit heldur ikki sagt nei.

 

Tjóðveldi

Eg hevði ynskt, at Tjóðveldi setti handling aftanfyri orð. Heldur Magni, at føroyingar skulu vera lóggevarar í danska fólkatinginum? Er Magni ikki samdur við mær í, at í Føroyum skulu føroyingar ráða, og í Danmark skulu danir ráða?

Lýsing
Seinastu tíðindini
Sølan til Russlands - frá byrjan til í d…
Talið á roykjarum met lágt, meðan mangla…
Mjølnir vunnu toppdystin
Við guitara og sangi í Spania­stovu
Jóannes K. Danielsen fær møguleikan
Toppdystur í Klaksvík í dag
Jóla­trø­ini í kommununi - 2019
Skoytubreytin tekur skap
Advents- og Jóla­konsert í Christianskirk…
Mjølnir vunnu á SÍ
Høgættin kemur aftur
Bankar byggja brýr, tí byggja teir land
Jørgen Niclasen afturvaldur sum formaður…
Undrast á gamlan kips-pakka
Málmunu­rin er millum teir vánaligastu í…
Aksel V. Johannesen: Ongin góð orsøk til…
Autolakkering - Nýggjur verkstaður í Nor…
Nýggjur endur­skinssangur frá BUBU
Einabúgvi útgevur slóðbrót­andi ævisøgu
Ongin semja um sendistovu í Jerusalem