Pensjónistakórið „Í fínu formi“, sum á føroyskum eitur „Væl fyri“, frá Akureyri í Eyjafirði varð sett á stovn í 1986. Sigríður Schiöth var leingi kórleiðari, og eftir hana tók Guðjón Pálsson yvir og núverandi leiðari, Petra Björk Pálsdóttir, hevur leitt kórið síðan 2006. Fylgispælari er Valmar Väljaots frá Estlandi. 54 fólk tilsamans eru í kórinum, ið syngur fjølbroyttan tónleik, lívlig og stuttlig løg, men eisini friðarlig og mild. Kórlimir skulu vera fyltir 60 ár fyri at sleppa uppí. Kórið hevur haft nógvar konsertir runt Ísland og eisini uttanlands. Tað vitjaði í Danmark í 2000 og einaferð fyrr í Føroyum; tað var í 2002 og sungu tey tá í Klaksvík. Tá kórið fylti 30 ár í 2016 varð farið til Estlands, heimlandið hjá Valmar. Í hesi ferð okkara til Føroya kunnu ikki øll koma við, men vit fara at royna okkara besta við at syngja og hugna okkum. Skráin inniheldur mest íslendsk løg, men nøkur útlendsk løg eru við, harav er eitt eftir tykkara Eivør Pálsdóttur. Øll eru vælkomin til konsertina!