Lýsing
Lýsing

Móttøka á Politistøðini í Klaksvík í dag

SKRIVAÐ: Oliver Joensen  |  16.05.2019 - 17:25 Mentan Myndarøð Tíðindi

Tvinnar orsøkin vóru til, at eitt lítið hátíðarhald var á politistøðini í Klaksvík í dag. Onnur orsøkin var at Karl Johansen tann 1. juli fer frá sum politistur. 1. mai hevði Karl sín 40 ára starvsdag í politinum, tó var hann eitt skifti í farloyvi í umleið 3 ár.

John Kølbæk, fúti segði nøkur orð, og takkaði Karl fyri sera gott samstarv og helt hann, at Karl hevði verið ein góður talsmaður og kollegi í politinum. Hann helt at Karl var meira til at slætta sjógvar í samfelagnum enn at sita inni við skrivligum uppgávum. John Kølbæk segði eisini at hann hevði merkt virðingina, sum borgarar høvdu fyri Karl Johansen. Absalon Áargarð formaður í politistafelagnum bar eisini eina heilsan til Karl. Tað sama gjørdi Unn Bjarnadóttir frá felagsskapinum KSO í er stuðulsbólkur politistanna. Annika Færø, ið hevur starvast saman við Karl á Politistøðini í Klaksvík í heili 31 ár, segði eisini nøkur orð og takkaði fyri gott samstarv.

Leiðarin fyri Norðurøkið, Jan Poulsen hevði eina dupultuppgávu. Hann takkaði eisini Karl Johansen fyri framúr gott arbeiði og trúgva tænastu, síðani handaði hann Karli Jubilæumsdiplom frá Ríkispolitichefinum fyri tey 40 árini Karl hevur verið í tænastuni. - Við einum smíli mátti Jan Poulsen eisini taka eitt annað pappír fram, og tað var uppsøgnin av Karli. Karl takkaði fyri og segði at hann hevði sjálvur biðið um tað, so uppsøgnin kom eftir egnum ynski.

Eini 30-40 fólk vóru til móttøkuna á politistøðini í dag.

Karl Johansen heldur tó fram sum sýslumáður, hóast hann fer frá sum politistur 1. juli í ár.

Lýsing
Seinastu tíðindini
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…
Sigoynarin
Rólant og Martin nógv at gera
KÍ kvinnur­nar nærkast FM-heitinum
Jørðin kallar Framsókn
FM: Maria vann 5 gull og Einar 2 gull
Beinleiðisfrísparki og føroyska fótbólts…
Øll skipini hjá Skansi Offshore hava nú…
Trump
Firmport ósakliga viðgjørt í kanning a…
Ikki við valdi og ikki við kraft, men vi…
Betri tíð til barnið
Eg flenni í andglettinum
Heilsu-og sjúkrarøktin á dagsskrá!
Politiskt hugnakvøld í Jaqson fríggjakvø…
Skert KÍ-lið á Eiði sunnudagin