Høgætt restina av mánaðinum
Tað verður ikki fyrr enn sunnudagin á Norðoyastevnu, at lágættin kemur aftur. Soleiðis sær tað út í løtuni, ið hvussu so er.
Eitt hátrýst yvir Eysturgrønlandi sendir kalda luft av Norðpólinum til Føroya. Støðan líkist nógv henni, sum var fyrstu vikuna av mai í ár.
Áhaldand høgættin er støðugt kølandi, og hitalagið fer tí nøkur stig niðureftir. Í dag er hitin væntandi ímillum 4 og 8 stig. Men næstu dagarnar lækkar hitin eitt sindur. Týsdagin í næstu viku er hann ætlandi komin niður í 1 til 5 stig. Tað er ikki tað, ein tímur so væl at hoyra hesa árstíðina.
Men soleiðis tykjast viðurskiftini at vera í niðasta parti av lufthavinum í morgun. Ikki so óvanligt, tað er meiri enn so hent fyrr.
Hetta til annan sunnudag eru 9 dagar, og tað er ógvuliga long tíð, tá ið hugsað verður um, hvussu veðrið fer at verða. Tað skal ikki serliga stór broyting í viðurskiftunum til at gera forsøgnina til skammar.
Vit fáa at síggja.