Fyri løtu síðani tosaðu vit við skiparan á Bragd Oddmar Niclasen. Oddmar sigur, at teir hava um 11.500 pund í dag, vit góvu minni upp á søluni, men tað royndist betur enn vit væntaðu. Meginparturin er hýsa, kanska 2000 pund av toski. Nakað av hvítingi er eisini uppi í umleið 500 pund. Eg haldi eg kann siga, at eg havi ikki verið við til at fingið so stóra hýsu á vetrinum, sum í dag. Umleið 2.500 pund meti eg at vit hava av hýsu eitt, tóat vit bara góvu stóru hýsuna til at vera 800 pund.

Tað er ógvuslig skrift á eccoloddinum, líka frá Pollinum og norður um Kallin har vit settu. Hvat tað er sum skrivar veit eg ikki, men vit fingu onkrar stórar sildir í fiskinum í dag. Eg trúgvi ikki at tað er nebbasild, ið skrivar, tí so hevði toskurin valla tikið.

Vit síggja nakað av sjófugli, mest lunda, men tað er heilt inni við suður ímóti Mikladali og har á leið. Úti á er onki av fugli at síggja, sigur Oddmar Niclasen og leggur afturat, at teir hava verið tveir aðrar túrar hesa vikuna, annar upp á 8.100 pund og hin upð á 8.300 pund. - Bragd verður á Klaksvík um eina løtu.