Ættin í morgun er landnyrðingur-eystan, og tað fer hann eisini at gera seinnapartin. Vindferðin fyri landið er í miðal 3 til 8 m/s.

Luftin stavar frá Suðurevropa og miðjum Norðuratlantshavi. Hon fer ein umveg norður ígjøgnum Norðsjógvin, áðrenn hon kemur til okkara.

Luftin er mettað – t.e. full í vætu – og lítið skal til fyri at fáa avfall. Ringt er at gera av, um tað fer at regna ella ikki.

Soo…eitt boð uppá veðrið, meðan dystur er í Klaksvík í dag ímillum KÍ og AB, fara vit at hava 3-8 m/s av landnyrðingi-eystri. Tað fer at vera grátt í veðrinum, møguliga sirm ella regn í løtum. Hitin fer at liggja um 8 stig.

Góðan dyst – og koyr á KÍ