KÍ trekti útidyst fyrst í lutakastinum, men ymisk viðurskiftir sum m.a. at tvey lið frá San Marino trektu heimadyst sama dag og hava sama heimavøll, gjørdu, at UEFA flutti dystin hjá KÍ, so at KÍ skal spæla á heimavølli fyrst. Hóast KÍ vísti ónøgd um hetta, so er einki at gera í slíkum føri, og tað er nú endaligt, at KÍ spælir á heimavølli fyrst, sigur Tummas Lervig við Norðlýsið.

Tað merkir, at tað nú er endaligt, at KÍ-Tre Fiori spæla á ovara vølli í Gundadali hóskvøldið 27. juni, meðan seinni dysturin verður í San Marino hóskvøldið 4. juli.