Fer støðið hjá KÍ at halda eftir summarsteðgin?
Undanfarnu trý árini hevur støðið hjá KÍ dalað eftir summarsteðgin. Í mun til tey árini, so hevur KÍ í summar styrkt seg við fleiri leikarum, og tað er helst skilagott, tá vit hava søguna undanfarnu ár í huga.
KÍ hevur ein landskappingardyst eftir áðrenn summarsteðgin, ið er á útivølli móti TB. KÍ kemur at enda eitt stað millum 2,29 og 2,50 stig í miðal pr. dyst áðrenn summarsteðgin. Men árini 2016, 2017 og 2018 dalaði støðið hjá KÍ eftir summarsteðgin og spurningurin er so, um tað sama hendur aftur. Við tilgongd av Magnus Stamnestrø, Semir Hadzibulic og møguliga Páll A. Klettskarð (hetta er tó ikki avgjørt enn), so er KÍ kanska betri fyrireikað til seinnu hálvu enn undanfarnu árini, í øllum førum á pappírinum. Sí annars munin niðanfyri millum gongdina áðrenn og eftir summarsteðgin hjá KÍ seinnu árini.
