Lýsing
Lýsing

Opið bræv til nólsoyingar

SKRIVAÐ: Bill Justinussen  |  22.06.2019 - 12:00 Politikkur Tíðindaskriv Tíðindi

Undanfarna samgonga, sum Miðflokkurin var partur av, ja faktisk tungan á vágskálini, samtykti at byggja nýtt skip til Nólsoyar. Á løgtingsvalinum 1. Septembur 2015 fekk undanfarna samgonga á 39 av 141 atkvøðum. Miðflokkurin, Fólkaflokkurin og Sambandsflokkurin hildu seg vilja nólsoyingum væl, men eftir valúrslitinum at døma vóru nólsoyingar ikki nøgdir við okkara politikk.

Tey, sum nú sita í samgongu, fingu 100 atkvøður frá nólsoyingum, sum er 70% av øllum atkvøðunum í Nólsoy. Javnaðarflokkurin trífaldaði sínar atkvøður úr 13 upp í 39. Javnaðarflokkurin hevur síðani sitið fyri samferðsluni. Tað fyrsta, Javnaðarflokkurin, Tjóðveldi og Framsókn gjørdu, var at vraka samtyktina hjá undanfarnu samgongu um nýggja nólsoyarferju. Og nú hækka Javnaðarflokkurin, Tjóðveldi og Framsókn ferðaseðlaprísirnar út til Nólsoyar. Hesir flokkarnir, sum fingu dyggastu álitisváttan nakrantíð frá nólsoyingum!!

Nólsoyingar eiga at vita, at samgongan situr við valdið uttan at hava vald. Samgongan reypar av at vera ein minnilutasamgonga, men fær ikki gjørt nakað sum helst við støðuna á Strandferðsluni. Var talan um eina stjórn, sum hevði Løgtingið aftanfyri seg, hevði málið kunnað verið loyst við einum fíggjarnevndarskjali uppá 5 minuttir!! Men heldur enn at skriva út val, so politiska skipanin aftur fær virkað og rættað upp á skeivleikar í samfelagnum, velur samgongan at sita skeiðið út uttan at kunna gera nakað sum helst við nakað sum helst. At týðandi samfelagsfunktiónir verða raktar, hevur fyri samgonguna minni týdning, samanborið við fløvan frá stólunum í Tinganesi.

Eitt kunnu vit í Miðflokkinum tó lova nólsoyingum. Fáa vit tykkara stuðul til komandi val, fara vit sjálvandi at reka sama skilagóða politikk, sum vit gjørdu undan hesi samgongu.

Fyri at fáa greiði á óskilinum hjá samgonguni, havi eg í dag sett landsstýrismanninum í samferðslumálum hesar spurningar:

1: Hvussu nógv kostaði tað Strandferðsluni at keypa Alpha Pilot,rigga hann til og seta hann í sigling millum Gomlurætt og Hest?

2: Hvussu nógv hevur raksturin av leiðini kostað higartil í ár?

3: Hvussu hevur landsstýrismaðurin fíggjað keypið og raksturin?

4: Hvussu nógv skal Strandferðslan spara fyri at fáa játtanina fyri 2019 at halda?

5: Hvussu ætlar landsstýrismaðurin at tryggja, at játtanin kemur at halda?

6: Tekur landsstýrismaðurin undir við spariætlanini hjá Strandferðsluni, sum millum annað inniber at hækka ferðaseðlaprísirnar á nólsoyar- og suðuroyarleiðini?

Bill Justinussen

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…